Новинарка со жестоки критики за Селена Гомез: „Таа е нестабилна личност и ја мрази Америка“

Американската пејачка и актерка Селена Гомез повторно е во центарот на вниманието, откако објави, а потоа избриша емотивно видео во кое реагира на депортацијата на мигранти во САД. Видеото предизвика лавина реакции, особено меѓу поддржувачите на Доналд Трамп, а сега на неа жестоко се нафрли и познатата политичка коментаторка Мегин Кели.

Кели: „Селена е нестабилна личност“

Во својот подкаст, Кели жестоко ја нападна пејачката, велејќи дека „секој што се снима како плаче и го објавува тоа е болен“. Таа додаде дека Гомез очигледно е емоционално нестабилна и дека не може да се носи со критиките што ги доби по објавата.

Сенаторски кандидат бара депортација на Гомез

Контроверзијата околу видеото не застана тука – Сем Паркер, кандидат за Сенат, изјави дека „во Америка нема место за поддржувачи на спротивната страна“ и ја обвини Гомез дека ги става „илегалците пред Америка“.

Гомез: „Горда сум што сум Американка“

По жестоките напади, Селена Гомез одговори истакнувајќи дека нејзиното семејство потекнува од Мексико, но таа е горда што е Американка благодарение на храброста и жртвата на своите предци.

„Имиграцијата е тема за која размислувам секој ден и знам колку сум благословена што сум родена тука“, порача Гомез.

Дебатата за имиграцијата во САД продолжува да биде една од најжешките политички теми, а Гомез, свесно или не, повторно се најде во центарот на политичките превирања.