Шоубиз
Објавени номинациите за БАФТА 2025: Два филма доминираат
Британската академија за филмска и телевизиска уметност ја објави листата на номинации за овогодинашните престижни награди БАФТА.
Церемонијата ќе се одржи во Лондон на 16 февруари, а домаќин ќе биде шкотскиот актер Дејвид Тенант, најпознат по улогата на Доктор Ху.
Ватиканскиот трилер „Conclave“ и мјузиклот „Emilia Pérez“ на францускиот режисер Жак Аудиар денеска освоија најмногу номинации за наградите БАФТА.
„Conclave“ на германскиот режисер Едвард Бергер доби 12 номинации, а „Emilia Pérez“ 11. „The Brutalist“, во кој Адриен Броди игра архитект кој го преживеа холокаустот, беше номиниран во девет категории. Францускиот филм „Emilia Pérez“, кој беше голем победник на неодамнешните награди „Златен глобус“, беше номиниран во категориите најдобар филм, најдобар странски филм, најдобар режисер и најдобра актерка, меѓу другите. „Conclave“, приказна за борбите за моќ за време на изборот на нов папа, беше номинирана во категориите како најдобар филм, најдобар режисер и најдобар актер, кој го игра Ралф Фајнс.
Наградите БАФТА, како и наградите на Здружението на продуценти на Америка, Здружението на режисери на Америка и наградите Златен глобус често се сигурни показатели за тоа кој би можел да ги освои престижните американски Оскари, кои ќе бидат доделени оваа година на 3 март во Лос Анџелес. Сепак, пожарите што го зафатија Лос Анџелес ја нарушија програмата на Оскарите, чии номинации, кои беа двапати одложувани, ќе бидат објавени на 23 јануари.
Многу љубители на филмовите беа изненадени што филмот „Wicked“ не е номиниран во категоријата за најдобар филм. Исто така, Анџелина Џоли не е номинирана во категоријата за најдобра актерка за нејзината изведба во филмот „Maria“, ниту пак Даниел Крег е номиниран за најдобар актер во филмот „Queer“.
Шпанската актерка Карла Софија Гаскон, ѕвездата на филмот „Emilia Pérez“, влезе во историјата како првата трансродова актерка номинирана за наградата БАФТА.
Во продолжение се номинациите во некои од главните категории:
Најдобар филм
Anora
The Brutalist
A Complete Unknown
Conclave
Emilia Pérez
Најдобар британски филм
Bird
Blitz
Conclave
Gladiator II
Hard Truths
Kneecap
Lee
Love Lies Bleeding
The Outrun
Wallace and Gromit: Vengeance Most Fowl
Најдобар не-англиски филм
All We Imagine as Light
Emilia Pérez
I’m Still Here
Kneecap
The Seed of the Sacred Fig
Најдобар режисер
Sean Baker – Anora
Brady Corbet – The Brutalist
Edward Berger – Conclave
Denis Villeneuve – Dune: Part Two
Jacques Audiard – Emilia Pérez
Coralie Fargeat – The Substance
Најдобра главна женска улога
Cynthia Erivo – Wicked
Karla Sofía Gascón – Emilia Pérez
Marianne Jean-Baptiste – Hard Truths
Mikey Madison – Anora
Demi Moore – The Substance
Saoirse Ronan – The Outrun
Најдобар главна машка улога
Adrien Brody – The Brutalist
Timothée Chalamet – A Complete Unknown
Colman Domingo – Sing Sing
Ralph Fiennes – Conclave
Hugh Grant – Heretic
Sebastian Stan – The Apprentice
Најдобра споредна женска улога
Selena Gomez – Emilia Pérez
Ariana Grande – Wicked
Felicity Jones – The Brutalist
Jamie Lee Curtis – The Last Showgirl
Isabella Rossellini – Conclave
Zoe Saldaña – Emilia Pérez
Најдобра споредна машка улога
Yura Borisov – Anora
Kieran Culkin – A Real Pain
Clarence Maclin – Sing Sing
Edward Norton – A Complete Unknown
Guy Pearce – The Brutalist
Jeremy Strong – The Apprentice
Целата листа на номинации може да ја погледнете ТУКА.
