ПАПАРАЦО ФОТО: Дали Анџелина Џоли му се враќа на поранешниот сопруг?

Љубовните скандали во Холивуд не престануваат. Минатата недела во фокусот беа Кање Вест и Ирина Шајк, но очигледно е дека таму важи правилото – нова недела, нов скандал. Овој пат во центарот на вниманието е Анџелина Џоли.

Како што пренесуваат американските медиуми, таа била видена пред домот на нејзиниот прв сопруг Џони Ли Милер, секако за истиот момент постои и фото доказ, кои за големо задоволство и среќа на папараците, за брзо време се проширија ширум светот.

Како што може да се види на фотографиите, во едната рака Анџелина имала чанта Луј Витон, а во другата шише со скапоцено вино.

Овој настан, според очевидците, се случил во петокот навечер, па поради интимниот момент, многумина мислат дека актерката се вратила на старата љубов. Поранешните сопружници, како што е познато, останале добри пријатели и по разводот, а Анџелина во една прилика отворено рекла дека жали за нивниот развод.

– „Џони и јас никогаш не се скаравме и никогаш не се повредивме. Јас навистина сакав да бидам негова сопруга. Сакав да му се предадам “, изјави таа.