Шоубиз
Петар Грашо и Хана Хуљиќ го добија второто дете
Хрватската музичка ѕвезда Петар Грашо и неговата сопруга Хана Хуљиќ станаа родители по втор пат. Двојката добила син кој го крстиле по дедото на Петар, Тони.
Хана се породила со царски рез, а како што пренесуваат хрватските медиуми, се е во најдобар ред и мајката и бебето се чувствуваат добро. Грашо дури неодамна за медиумите откри дека Хана е бремена по втор пат, бидејќи овој пат сакале се да држат подалеку од очите на јавноста.
Хана и Грашо ја добија ќерката Алба во јули 2022 година. Тие се венчаа во февруари 2022 година во црквата Св. Доминик во Сплит, а на венчавката присуствувале најблиските пријатели и семејството.
Петар пред Хана беше во врска со пејачката Данијела Мартиновиќ со која помина 24 години, но наеднаш раскинаа, по што тој започна врска со Хана.
