Принцот Вилијам прогласен за најзгоден ќелав маж во светот

Маркетинг агенцијата Reboot втора година по ред го прогласи принцот Вилијам за најзгоден ќелав маж на светот.

Списокот наводно се заснова на пребарувања на Гугл на ќелави мажи со зборот „секси“. „Дејли мејл“ пишува дека неодамнешните настапи на Вилијам во Јужна Африка предизвикале зголемен број на пребарувања од женски обожаватели за него. Листата е составена врз основа на неколку различни фактори, вклучувајќи го сјајот на главата, висината и насмевката. Вилијам доби речиси совршен резултат, односно 9,9 поени од можни 10.

Ова не е прв пат принцот Вилијам да се најде на врвот на оваа листа. Тој исто така заврши на првото место во 2021 година. Една година подоцна беше на второто место, а минатата година ја врати титулата.

Принцот Вилијам неодамна го промени имиџот. Тој уште во август покажа дека го отфрла својот избричен изглед, но многу фанови не очекуваа дека ќе пушти брада. Неговата промена започна дебата на социјалните мрежи. Додека некои луѓе ја сакаат брадата, други не се толку воодушевени.

Второто место го зазеде актерот Двејн Џонсон, попознат како „The Rock“ кој минатата година беше седми на листата. Потоа доаѓа американската кошаркарска ѕвезда Шекил О’Нил.

Американскиот професионален сурфер Кели Слејтер го зазеде четвртото место. Актерите Тери Круз и 79-годишниот Дени Девито ги зазедоа петтото и шестото место. Потоа следуваат актерот Семјуел Л Џексон, францускиот фудбалски тренер Тиери Анри и американскиот актер Стенли Тучи. На десеттото место е Вин Дизел.