Шоубиз
Се породи Ријана: Пејачката и раперот го добија второто дете
Светската музичка ѕвезда Ријана се породи по втор пат, пренесува TMZ.
Според изворите, породувањето се случило на 3 август, но во целосна тајност, а не знаеле ниту најблиските.
Иако Ријана и АСАП Роки очекуваа девојче, пејачката роди момче чие име се уште не е познато, но познато е дека ќе започнува со буквата Р.
Триесет и петгодишната Ријана ја објави втората бременост во февруари годинава, за време на настапот на Супербоул. Ријана и раперот АСАП Роки веќе го имаат едногодишниот син РЗА.
