Селена Гомез официјално стана милијардерка, една од најмладите во САД

Селена Гомез сега може да го додаде и станувањето милијардер на нејзината долга листа на достигнувања.

32-годишната актерка, пејачка, инвеститор и претприемач штотуку ја постигна финансиската пресвртница и на тој начин стана една од најмладите милијардери во САД кои сами го стекнале своето богаство. Според извештајот на Блумберг, нејзината нето вредност се проценува на 1,3 милијарди долари.

Дел од богатството на ѕвездата од „Only Murders in the Building“ доаѓа од пеење, партнерства со брендови и глума, но „огромниот дел“ од нејзиното богатство е врзан за „Rare Beauty“, нејзината популарна козметичка компанија.

И покрај нејзиниот успех на екранот и во музиката- вклучително и повеќекратни номинации за наградите Еми и Греми – тие достигнувања се сметаат за релативно мал дел од нејзиното богатство, рече Блумберг.

Гомез, родена во Тексас, помина речиси три децении во очите на јавноста, каде што нејзиниот успех доведе до секојдневна дискусија на нејзината мода, љубовен живот и здравствени проблеми – вклучувајќи дијагнози на биполарно растројство и автоимуна болест лупус.

Оваа американска мега ѕвезда е најследена жена вкупно на сите платформи во светот.