Што содржи чантата со подароци од 1 милион долари на Златните глобуси?

Сите добитници на 82. Златен глобус, покрај позлатена статуа, добија и чанта со логото на престижната награда, која сама по себе е ексклузивна, а која содржи и подарок ваучери за козметички третмани, најскапи вина и патувања од соништата од Индонезија до Финска. Целиот пакет вреди рекорден милион долари.

Имено, специјалната чанта од најубав велур е дизајнирана од луксузната модна куќа Atlas Bespoke, која е специјализирана за изработка на облека по нарачка од најфини материјали. Чантата од брусена кожа е обложена со органски памук одвнатре и има двојна рачка и челични зајакнувања на рабовите. На неа има знак кој открива дека чантата му припаѓа на добитникот или добитниците на голема филмска награда.

Наградениот пакет со подароци содржи 28 производи и услуги, а победниците во чантата ќе најдат водич во кој е детализирани се што е понудено, вклучувајќи ја и паричната вредност на подароците и контактите што им се потребни за да потврдат дека ќе ја искористат понудата.

Секој ќе добие козметички производи како што е серумот за лице La Prairie Pure Gold Concentrate, вреден 935 долари и подарок сертификат од 40.000 долари за нехируршко затегнување на матични клетки кај Dr. Симон Уриан.

Меѓу подароците е и ваучер за наменски костум од луксузниот бренд NB4, а тие, исто така, ќе добијат и персонализирана обука за танц и велнес искуство Forward Space, кое чини 15.000 долари.

Добитниците на Златните глобуси ќе имаат можност да отпатуваат на северот на Финска, каде ќе можат да го гледаат спектаклот на небото – поларната светлина, патување кое вреди 48.000 долари. Оние кои сакаат потопли региони можат да уживаат во крстарење по водите на Индонезија вредно 60.000 долари, на една од најлуксузните јахти во светот. Тие ќе можат да уживаат на плажите на ексклузивното одморалиште на рајските острови Туркс и Каикос во вредност од 507.492 долари или да престојуваат во џунглата на Бали во ексклузивното одморалиште.

И, се разбира, имаше и избор на вино, пијалоци и пури, вклучително и дегустација на вино и уживање во Бордо, Франција – кое вреди 272.000 долари – или трио ултра ретки берби од 2015, 2018 и 2019 година – во вредност од 34.800 долари.

Добитниците на овогодинешните награди може да ги погледнете тука.