Скандал на Греми: Бјанка Ценсори дојде гола, се шпекулира дека со Канје Вест биле избркани

Синоќа во Лос Анџелес се одржаа наградите Греми, а бројни големи ѕвезди прошетаа на црвениот тепих на 67-от годишен најпрестижен музички фестивал. Не недостигаше скандал на доделувањето на Греми наградите кога Канје Вест и Бјанка Ценсори се појавија на црвениот тепих.

Раперот и моден дизајнер Канје Вест и неговата сопруга, австралискиот модел Бјанка Ценсори, беа придружувани од полицијата на овогодинешното доделување на Греми наградите во Лос Анџелес, откако таа се појави во несоодветна облека.

@entertainmenttonight

Kanye West and Bianca Censori made a jaw-dropping appearance at the GRAMMYs.

♬ original sound – Entertainment Tonight – Entertainment Tonight

Бјанка Ценсори на доделувањето на наградите пристигна облечена во бунда, која набрзо театрално ја спушти, откривајќи провокативна облека. Нејзиното смело издание не остана незабележано, а присутните останаа шокирани од нејзиното голо меѓуножје и топлес моментот.

Нејзиното однесување и стајлинг предизвикаа осуди на социјалните мрежи, каде многумина коментираа дека ја преминала границата на вкус.

Двојката потоа беше снимена како влегува во автомобил. Едни извори тврдеа дека парот бил исфрлен од церемонијата, додека пак друг извор рекол дека парот по своја волја ја напуштил салата, само дошле да испозираат на црвениот тепих и си заминале.

Вест беше номиниран за најдобра рап песна, но таа награда му припадна на Кендрик Ламар за неговата песна „Not Like Us“.