Шоубиз
Сопругот на Кортни Кардашијан случајно откри кога е терминот за раѓање и името на нивниот син
Музичарот Тревис Баркер (47), сопруг на Кортни Кардашијан (44), случајно го откри датумот на раѓање на нивниот син и како планираат да го именуваат.
За време на подкастот „One Life One Chance“ со Тоби Морс, Тревис откри дека Кортни треба да се породи на „Ноќта на вештерките“ или првата недела од ноември.
„Ние требаше да организираме хуманитарна забава на Хаваи, но токму тогаш треба да се роди Роки“, рече Тревис. На тоа, водителот извика „Роки Тринаесет Баркер“, што Тревис го потврди. „Тоа е толку силно име, човеку“, рече Тоби.
44-годишната Кортни откри дека е бремена со транспарент на концертот на Blink-182 во јуни. Недолго потоа таа објави дека очекуваат син.
Во септември, Кортни беше однесена во болница на операција каде лекарите „го спасија животот на нејзиното бебе“. Откако беше примена во болница, Кардашијан се отвори за нејзината операција и ја сподели веста со фановите на Инстаграм.
“Како некој кој имал три навистина лесни бремености во минатото, јас не бев подготвена за стравот од итна операција на фетусот. Мислам дека некој кој не поминал низ слична ситуација не може да го разбере тоа чувство на страв. Имам сосема ново разбирање и почит за мајките кои морале да се борат за своите бебиња додека биле бремени“, напишала меѓу другото.
Кортни веќе има три деца со поранешниот партнер Скот Дисик, а Тревис има две деца со поранешната сопруга Шана Моаклер.
