„Спајс грлс“ со специјален подарок до фановите за 25 годишнината од хитот „Wannabe“

Познатите британки „Спајс грлс“ немаат издадено нова песна од далечната 2007 година, но ќе стават крај на „креативната блокада“ со објавување на ремикс по повод 25-годишнината од својот деби-сингл Wannabe.

Девојките ќе го одбележат специјалниот датум со претставување на таканаречениот „Wannabe25 EP“ – што ќе може да се купи или преслуша на интернет на 9 јули – а ја вклучува оригиналната верзија на хитот „Wannabe“ кој бил објавен во јули 1996 година, ремикс на Џуниор Васкез, претходно нечуено демо на истата и баладата Feed Your Love, која ги содржи вокалите на сите пет оригинални члена и е снимена кога биле помлади.

Фановите, видно возбудени, со нетрпение го очекуваат 9 јули.