Тејлор Свифт се заканува дека ќе го тужи студентот кој го следи нејзиниот приватен авион

Адвокатите на Тејлор Свифт се закануваат со правна постапка против студент од Флорида кој ги следи приватните авиони на познати и јавни личности, вклучувајќи ја и Свифт.

Џек Свини потврди за Си-Ен-Ен дека добил писмо од адвокатите на Свифт за профилите на социјалните мрежи што тој ги води, а кои ги следат летовите на Свифт.

Со оглед на тоа што Свини често споделува информации за движењата на приватниот авион на Свифт, нејзините адвокати на 21-годишниот студент му испратиле писмо во кое барале да престане да ги објавува информациите. Свини, студент на Универзитетот во Централна Флорида, го доби писмото во декември 2023 година.

Flew from Cahokia/St Louis, Illinois, US to St Louis, Missouri, US 24 hours ago.
Apx. flt. time 13 Mins. pic.twitter.com/WFEp5k3ZTS

— Taylor Swift Jets (Tracking) (@SwiftJetNextDay) January 31, 2024

Во писмото Свифт наведува дека нема друг избор освен да го тужи ученикот доколку тој не престане со неговото следење и малтретирање, пишуваат американските медиуми.

Нејзината адвокатка Кејти Рајт Мороне, исто така, напиша дека постапките на Свини им нанеле на Свифт и на нејзиното семејство „директна и непоправлива штета, како и емоционално и физичко страдање“ и нагласи дека пејачката се плаши за сопствената безбедност. Според адвокатот, за Свифт се работи за живот и смрт.

Свини е истата личност која славно го навлече гневот од милијардерот Илон Маск поради следењето на неговите патувања со авион. Маск, кој е сопственик на X, го избриша профилот на Свини „@ElonJet“ на платформата порано позната како Твитер во декември 2022 година.