„Веќе не сум соло танчарка“: Јелена Розга во љубовна врска со Иван Хуљиќ

Популарната пејачка Јелена Розга конечно ги потврди гласините – „Веќе не сум соло танчарка!“ – изјави таа ова лето, откривајќи дека нејзиното срце е зафатено.

Според хрватските медиуми, Розга ја обновила врската со Иван Хуљиќ, 11 години помладиот син на познатиот музичар Тончи Хуљиќ. Иако долго време го држеше својот приватен живот подалеку од јавноста, пејачката неодамна проговори за значењето на љубовта и вниманието што го добива од својот партнер.

„Љубовта е најважна“, изјави Јелена, додавајќи дека Иван ја поддржувал и на нејзините концерти. „Тој ме бакна и ме прегрна пред концертот и ми посака среќа,“ откри пејачката.

Среќата на прво место: Тончи го поддржува синот

Таткото на Иван, познатиот композитор Тончи Хуљиќ, исто така се огласи по повод обновената врска на својот син. „Го поддржувам ако тоа е нивната среќа,“ изјави тој, потенцирајќи дека не се меша во приватниот живот на Иван.

Втора шанса за љубовта

Романтичната приказна на Јелена и Иван започна пред повеќе од десет години, но тогаш заврши поради разликата во години. Сепак, љубовта меѓу нив двајца не згаснала, а денес изгледаат посреќни од кога било.

Иван не само што ѝ е поддршка во приватниот живот, туку и професионално ја бодри, како што беше случај на минатогодишниот концерт на Јелена во Скопје.

Оваа љубовна приказна е доказ дека вистинските чувства секогаш го наоѓаат својот пат.