Скандал на евровизиското гласање: Дисквалификувани гласовите на Македонија и Црна Гора

Британски весник Мирор објави дека гласовите на Македонија и Црна Гора биле отфрлени, односно поради нерегуларности не биле земени предвид при изборот на победничката песна.

На овој чекор се одлучило откако се открила нерегуларноста во гласовите испратени од центрите во Македонија и Црна Гора кои всушност биле 100% гласови од телевоутингот, наместо како што налагаат правилата 50% стручно жири – 50% телевоутинг.

Оваа информација беше споделена и преку официјалниот профил на фестивалот на Tвитер.

Според официјалното соопштение испратено од Евровизија, со понатамошна постапка ќе се утврдува нерегуларноста на гласовите.

Овие гласови, сепак, немаа никакво влијание врз одлучувањето на победникот.