Тејлор Свифт ќе додели една од наградите на 67. Греми награди

Американската пејачка Тејлор Свифт ќе додели една од наградите на Греми наградите во недела во Лос Анџелес, соопшти Академијата за снимање.

Академијата допрва треба да потврди која категорија ќе ја претставува поп-суперѕвездата, која има освоено дури 14 Греми. Таа оваа година е меѓу номинираните за главната награда на вечерта – албум на годината за „The Tortured Poets Department’“, како и за пет други награди.

View this post on Instagram

A post shared by Recording Academy / GRAMMYs (@recordingacademy)

Таа претходно ја освои наградата рекордни четири пати, а во недела ќе се соочи со конкуренцијата на Бијонсе, со нејзиниот албум „Cowboy Carter“ и Били Ајлиш со „Hit Me Hard and Soft“. Оваа година Свифт би можела да испише историја доколку победи по петти пат.

На 67. Греми награди ќе се собираат и донации за жртвите од пожарите што неодамна го зафатија Лос Анџелес.

„Овогодинешното шоу е за оддавање почит на музиката од изминатата година, храброста на оние што се справуваат со пожарите и силата на погодените од пожарите во Лос Анџелес“, напиша Академијата во официјалното соопштение.