Сцена
Тејлор Свифт си замина дома без ниту една Греми награда
Музичката суперѕвезда Тејлор Свифт беше номинирана во шест категории на овогодинешните Греми награди, меѓу кои и за најдобар албум. Иако многумина очекуваа таа повторно да освои голем број награди, оваа година Тејлор си замина дома со празни раце.
Наградата за најдобар албум на годината ја доби Бијонсе, за нејзиниот албум „Cowboy Carter“. Свифт претходно и врачи друга награда на својата ривалка, а таа не изгледаше разочарана од својот „резултат“ на доделувањето на наградите. Таа во арената Crypto.com во Лос Анџелес ги бодреше сите оние кои освоија Греми.
Покрај албум на годината, Свифт беше номинирана и за песна на годината и најдобар спот за песната „Fortnight“, која ја сними со Пост Мaлоун. Наградата за најдобар албум ја има добиено четири пати досега (2010, 2016, 2021 и 2024 година), додека ова е прва ваква награда за Бијонсе и покрај бројните номинации.
Свифт на доделувањето на наградите Греми пристигна во краток црвен фустан на Вивиен Вествуд со црвени блескави детали. Комбинацијата ја заокружи со црвен кармин и обетки во иста боја.
Фановите се убедени дека нејзиниот избор на оваа боја е очигледен знак на поддршка за нејзиното момче Тревис Келси, кој игра за НФЛ тимот Канзас Сити Чифс, а црвената боја е нивниот заштитен знак. Сепак, тоа не е единствената порака која ѕвездата наводно му ја испратила на своето момче. Синџир со приврзок во форма на буквата „Т“ висеше на нејзината лева нога.
