Сцена
Второ издание на „Винодонија“ – Салон кој ја промовира Македонија како вински регион
Преку 350 етикети на вино од 40 македонски и странски винарии, ќе може да се дегустираат на вториот Скопски вински салон – „Винодонија 2017“ што ќе се одржи на 1-ви и 2-ри декември во хотелот „Мериот“.
Настанот е организиран од група вински консултанти, судии и ентузијасти под покровителство на Здружението на сомелиери на Република Македонија, а покрај дегустации на вино, предвидува и дегустација на најразлични домашни и увозни сирења и сувомесни производи, како и десет едукативни работилници: за македонската автохтона сорта станушина и за темјаниката, за вината од Хрватска, за разликите меѓу македонските и црногорските вина, за винскиот пат во Бугарија…
– „Скопски вински салон – Винодонија 2017 е клучниот момент за препознавање на Македонија како вински регион“ истакна Звонко Херцег, вински екперт и дел од одрганизаторите на скопскиот вински салон, на денешната прес конференција.
Херцег нагласи дека „Винодинија“ претставува своевиден годишен пресек на новите трендови во вината и нивното производство, со што љубителите на виното ќе добијат можност и понатмау даја шират винската приказна која ќе ја искусат на салонот.
Александар Вучковски, претседател на Здружението на сомелиери на Република Македонија, истакна дека главната цел на салонот е ширење на винската култура во земјата и регионот.
– „Славење и развој на винската култура преку носење на различни винарии, винската публика ќе може да се запознае со винските приказни кои ги носат големи, средни и мали, семејни винарии“, рече Вучковски.
Ивана Симјановска, вински писател и интернационален вински судија, најави дека програмата на салонот нуди можност да се искуси она што се случува со винската кутлура не само во Македонија туку и во светот.
– „Винодонија 2017 е одлична шанса винските љубители да си одговорат на сите прашања што ги имаат во однос на виното“, рече Симјановска.
Таа најави дека како дел од програмата на дводневниот салон е предвидена богата содржина, односноработилници, дегустации и спарувања на вино и храна.
Организаторите најавија професионална дегустација со чашите на Ридел, вертикални дегустации со три македонски винарии, спарување на различнихрватски специјалитети со македонско вино, споредба намакедонски и црногорски вина од сортата вранец, дополнително присутните ќе може да се запознаат и со винската карта на Бугарија и хрватските пенливи вина од дното на Јадранот, како и хрватски вина произведени на традиционален начин во амфора. Сите вински работилници ќе бидат водени од вински експерти од Македонија, Бугарија, Црна Гора, Хрватска и Италија.
Првиот ден салонот ги отвора вратите за посетителите од 16 до 20 часот, а во сабота од 13 до 20 часот.
![](https://static-xx.files.pplarno-cdn.popularno.mk/wp-content/uploads/2017/01/logo-2017-2.png)