Златан Ибрахимовиќ на гости во Штип (ФОТО)

Познатата фудбалерска ѕвезда Златан Ибрахимовиќ, дел од актуелниот состав на „Манчестер јунајтед“ е во посета на Македонија.

Целта за оваа невообичаена посета, како што јавуваат дел од медиумите, е актуелната сезона на лов која го привлекла светски познатиот фудбалер да го посети Штип.

Според неофицијални информации, Ибрахимовиќ пристигнал денес, а ќе биде гостин во Штип неколку дена.

Секако, штипјани ја искористија можноста да се сликаат со Златан Ибрахимовиќ, а голем дел од фотографиите завршија и на социјалните мрежи.

Меѓу нив беше и македонскиот ракометен репрезентативец, Мартин Поповски.