Домаќинот Франција со победа стартуваше на ЕУРО 2016

На отворањето на 15. Европско првенство во фудбал, синоќа во Сен Дени, домашната репрезентација на Франција ја победи Романија со 2:1 и ги освои првите бодови на шампионатот.

Јунак во победата на „триколорите“ беше Димитри Паје кој го постигна победничкиот гол во 89.минута. Претхдоно Оливие Жиру во 57.минута донесе водство за Франција, а осум минути подоцна Богдан Станку изедначи од пенал.

На вториот дуел од 1.коло во А-групата денеска од 15 часот играат Албанија и Швајцарија.

Покрај оваа средба на вториот ден од ЕУРО 2016 ќе се играат и натпреварите од првата рунда во Б-групата:
Велс – Словачка (почеток 18 часот) и
Англија – Русија (почеток 21 часот).