Ракомет
ЕХФ ги казни македонските ракометари поради чорапите и долната облека
РФМ ќе треба да плати глоба во износ од 2000 евра на сметката на ЕХФ поради несоодветна опрема на досега одиграните натпревари на европското првенство во Загреб.
Образложение за ваквата одлука е тоа што дел од македонските ракометари носеле различни чорапи на мечот со Словенија, за што РФМ ќе плати 1.000 евра, а истата сума ќе биде платена и за тесните гаќички што ги носеле дел од ракометарите под шорцевите бидејќи не биле во иста боја.
Ова не е првпат македонската репрезентација да биде казнета поради различна опрема. Истото и се случи и на Европското првенство пред две години.
Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.
