ФОТОГАЛЕРИЈА: Македонија ја совлада Холандија

Кошаркарската репрезентација на Македонија ја забележа првата победа на ФИБА Европското првенство 2016, откако во второто коло со 78-71 (19-20, 24-11, 13-18, 22-22) славеше над Холандија.

Македонската репрезентација беше подобра во текот на целиот меч, а клучната предност ја оствари во втората четвртина која ја доби со 13 поени разлика.

Најефикасни кошаркари кај Македонија беа Владо Илиевски со 14 поени и Бојан Трајковски, Александар Костоски со по 13 постигнати поени, додека кај Холандија најмногу се истакна Николас Де Јонг со 19 поени.

За репрезентациите од нашата група утре е слободен ден.

Возбудувањата во Загреб продолжуваат во вторник кога во терминот од 21 часот нашата репрезентација игра против домаќинот Хрватска.