Фудбалерот Александар Пандовски им подлегна на повредите

Пандовски се наоѓаше во кома четири дена, а утринава починал во Клиниката во Скопје.

Фудбалерот Александар Пандовски им подлегна на повредите здобиени во тешката сообраќајна несреќа која се случи во понеделникот навечер во Скопје, кај бензиската Макпетрол.

До несреќата дошло откако возилото марка „Голф“ во кои биле Александар и неговиот родител загубило контрола и со една брзина од над 100 км на час излетало кон бензинската пумпа „Макпетрол“ пред излезот од главниот град.

Пандовски потоа неколку часа бил заглавен во автомобилот, за неговото извлекување помогнале и противпожарни екипи, а кога бил примен во болница, состојбата му била многу лоша.

Потекнуваше од фудбалската школа на Вардар, потоа ги бранеше боите на Работнички, Хоризонт Турново, а последен клуб му беше Еуромилк.