Македонските ракометари поразени од Франција на стартот на ЕП

Репрезентација на Македонија со пораз од Франција го започна својот натап на Европскиот ракометен шампионат во Полска. Во првиот меч од А групата, чии натпревари се играат во Краков, Македонија е поразена од Франција со 30-23.

Во првото полувреме се играше рамноправно, пред се благодарение на голманот Тјери Омејер кој имаше 11 одбрани, и не им дозволи на нашите ракометари да остварат предност, па на полувремето се замина со нерешен резултат 12:12. Сепак, во вториот дел актуелниот бранител на европскиот трон, водено олимписки и светски шампион Франција ја демострира својата сила. Иако се до 51-минута беше нерешено (22:22), до крајот на мечот Триколорите постигнаа осум, а цревено-жолтите само еден гол, па на крајот Франција заслужено се радуваше на победа со конечни 30:23.

Македонскиот капитен Кирил Лазаров со 9 голови беше најефикасен на натпреварот. Крилата Дејан Манасков и Гоце Георгиевски постигнаа 5, односно 4 голови за црвено-жилтите. Кај Франција најефикасен беше Седрик Сотраиндо со 6 гола.

Во оваа група вечерва од 20 часот и 30 минути ќе играат домаќинот Полска и селекцијата на Србија.

Во групата Б чии натпревари се играат во Катовице, Хватска ја победи Белорусија со 27-21, а во тек е мечот Исланд – Норвешка.

Утре на програмата се натпреварите од 1.коло во Ц и Д групите, а во недела, за кога се закажани натпреварите од 2.коло во А и Б групите, македонските ракометари за противник ќе го имаат домаќинот Полска.