Работнички го доби дербито со МЗТ Скопје Аеродром

Екипата на Работнички со победа над градскиот ривал МЗТ Скопје Аеродром го заокружи својот настап во Супер лигата од кошаркарскиот шампионат на Македонија.

На средбата одиграна вечерва во СЦ „Јане Сандански’’, а во рамките од последното 10. коло во Супер лигата, Работнички  славеше победа со 85:76, над актуелниот шампион МЗТ Скопје, со што го потврди пласманот на второто место во суперлигашката конкуренција.

Вчера во првиот меч Карпош Соколи го победи Кожув со 67-64, а последниот натпревар од оваа рунда ќе се игра утре од 19 часот во Кавадарци, каде Фени Индустри е домаќин на Куманово.

Исходот од овие натпревари нема да влијае на полуфиналните двојки во плејофот, односно разигрувањето за шампионскиот трофеј, па така одбраната на титулата МЗТ Скопје А. ќе ја започне против Фени Индустри, а во второто полуфинале ќе играат Работнички и Куманово.