Цеца го прослави својот 48. роденден

Цеца Ражнатовиќ го прослави роденденот во својот дом во кругот на најблиските роднини и пријатели.

Балканската ѕвезда вчера го прослави својот 48-ми роденден, а членовите на семејството и најблиските пријатели ги дочека во својот дом. По гламурозните прослави по повод  23-тиот роденден на нејзината ќерка Анастасија и првиот роденден на внукот Жељко, од кои сеуште слегуваат впечатоците, фолк ѕвездата посакала својот ден да го помине во вилата на Дедиње.

Во текот на целиот ден на својот инстаграм профил таа споделуваше пораки и честитки кои пристигнуваа како од познатите личности, така и од многубројните фанови. Но, пред сите нив, Анастасија напишала:

-Среќен роденден на мојата мајка, најдобрата пријателка, најголемата поддршка и личноста што ја сакам најмногу на светот! Да си ми секогаш здрава и среќна, а се друго ќе дојде само! Те сакам.

Додека ги пречекувала гостите, славеничката со насмевка се обратила на присутните новинари и фоторепортери.  Блескала во тесен зелен фустан кој совршено ја истакнува нејзината фигура.

Нешто пред полноќ пристигнала и раскошната торта на три спрата која била со црвени рози и златни детали, а на неа имало и прскалки и свеќи.