Центарот на Скопје утре ќе биде блокиран поради најавената „Авицена женска трка“

Утре центарот на Скопје ќе биде домаќин на уличната „Авицена Женска трка 2023“. Организирана од Сојузот на спортови на Скопје, поради трката ќе има посебен режим на сообраќајот на булеварот Илинден, кој ќе започне во 10 часот во недела, 9 април 2023 година.

Стартот и целта на трката се на булеварот Илинден, пред фонтаната Лотус, а трасата потоа ќе се движи до крстосницата со булеварот 8 Септември. Од таму, учесниците ќе вртат полукружно назад по булевар Илинден, за да завршат на целта кај фонтаната Лотус.

Со цел да се овозможи безбедно одржување на трката, министерството за внатрешни работи најави посебен режим на сообраќајот на булеварот Илинден.