Актуелно
Спектакуларен крај на Летните олимписки игри во Париз
Олимписките игри во Париз официјално се затворени. Традиционалната церемонија на затворање се одржа на францускиот национален стадион. На церемонијата беа вклучени повеќе од 100 танчери, циркуски уметници и други изведувачи.
Со церемонијата за затворање на Летните олимписки игри во Париз, домаќинот на најголемата спортска манифестација на планетата, олимписките кругови од Франција се преселија во Холивуд, во градот Лос Анџелес, следниот домаќин на ЛОИ во 2028 година.
Уметничкиот директор Томас Џоли откри дека церемонијата на затворање била замислена како „комбинација на чудо и дистопија“, а како дел од церемонијата, Златниот патник се спушти на стадионот и ги водеше гледачите низ историјата на Олимписките игри, додека акробатите ги обновуваа и ги подигнаа познатите пет прстени на Игрите.
Светски познатиот француски бенд „Phoenix“ направи музички спектакл и со своите хитови ја крена публиката на нозе. На свеченото затворање настапи и францускиот бенд „Air“, кој го отвори шоуто со хит песната „Playground Love“.
Американскиот актер Том Круз се симна од покривот на Стад де Франс за време на кревањето на американското знаме и интонирањето на американската химна, фрлајќи ја публиката во транс. Потоа го превзема олимпиското знаме и со мотор се „упати“ кон Лос Анџелес. Потоа тој скокна од авион и позираше кај знакот Холивуд во однапред снимена секвенца.
Ред Хот Чили Пеперс, Били Ајлиш, Снуп Дог и д-р Дре потоа настапија од „Long Beach“ во Калифорнија како дел од ѕвездената музика поставена за завршување на церемонијата.
Француската пејачка Yseult ги затвори Олимписките игри во Париз со спектакуларна изведба на песната „My Way“.
Годинешните Олимписки игри имаа свој дел од моќта на музичките ѕвезди. На церемонијата на отворањето настапија Лејди Гага и Селин Дион, која на спектакуларен начин се врати во очите на јавноста по нејзината битка со синдромот на вкочанета личност за да даде моќна и емотивна изведба на „Hymne A L’Amour“ на Едит Пјаф.
