Мадона даде поддршка за студентите во Србија

Американската музичка ѕвезда Мадона на својот Инстаграм стори сподели видео од студентските протести во Србија, истакнувајќи дека медиумите не ја пренесуваат нивната вистинска тежина.

„Она што медиумите не ви го кажуваат е дека еден од најголемите студентски протести од 1968 година во моментов се одржува во Србија“, стои во објавата што ја сподели пејачката.

Во видеото, снимено со дрон, се наведува дека студентите затвориле голем број универзитети и организирале 24-часовни блокади, барајќи системски промени и намалување на корупцијата. Според објавата, професори и наставници им се придружиле на протестите, соочувајќи се со закани за губење на работните места.

„Ова е сериозен проблем. Треба оваа ситуација да стане вирална и да ги поддржиме студентите и народот во Србија. Ние стоиме со Србија“, се вели во пораката што ја сподели Мадона.

Видеото е проследено со нејзиниот легендарен хит „Like a Prayer“, со што пејачката испрати силна порака за поддршка.