Барањата на средношколците ќе бидат разгледани на владина седница

На денешната владина седница ќе бидат разгледани барањата на Средношколскиот пленум. Ова е ветувањето што им го дале министерот за образование и наука Абдилаќим Адеми и заменик министерот Спиро Ристовски на претставниците на пленумот кои денеска беа повикани на втора средба во МОН.

Претставниците на Средношколскиот пленум изјавија дека денешната средба им влева надеж и дека можно е да се врати стариот концепт на државна матура.

Сепак, бојкотот и кампувањето продолжуваат се додека не им биде потврдено дека ќе бидат прифатени нивните барања.

По завршувањето на средбата од МОН се уште нема официјален став.