ДЕСТАБИЛИЗАЦИЈА НА ВРЕМЕТО: Циклонот Владимир носи врнежи и грмежи

Од понеделник Македонија ќе се наоѓа во циклонски систем што значи ќе кружи влажен и значително понестабилен воздух (висински циклон).

Тоа ќе придонесе за дестабилизација, локално проследена и со пороен дожд и град и силни електрични празнења, особено во пладневните часови. Според метеорологот Славчо Попоски, нѐ очекува циклонот Владимир.

Поради значително загреаната атмосфера како и поради високите температури на воздухот ќе се создадат услови и за локални поинтензивни атмосферски процеси кој би можело да бидат застапени во форма на невреме.