ДОАЃА СНЕГ И СТУД: Од сабота нагло заладување со обилни врнежи од снег и температури до -13

Иако метеоролозите за овие денови најавија температурен шок со натпросечни температури за овој период од годината, сепак правата зима ќе пристигне во Македонија оваа сабота.

Според предвидувања, се очекуваат обилни врнежи од снег и температури длабоко под нулата. Во Скопје се очекува да наврнат над 30 цм снег, а на планински места повеќе од 50 цм.

Времето денеска ќе биде променливо облачно. Во западните и североисточните делови ќе има повремени врнежи од дожд. Ќе дува засилен, а во западните планински делови силен ветер од западен и југозападен правец, на моменти со брзина околу 90 километри на час. Утринската температура ќе се движи од четири до девет, а дневната од девет до 16 степени.

Во Скопје слично време со температура до 12 степени.