Голем одрон на патот Скопје – Велес: Сообраќајот е сѐ уште во прекин

Поголемиот одрон на патот Скопје – Велес во близина на мостот кај манастирот Св. Јован Ветерски од денеска напладне се уште целосно го блокира сообраќајот за сите видови возила.

Со одронот се зафатени двете коловозни ленти. Во неговото расчистување се вклучени две машини и се прават максимални напори коловозот да се оспособи за нормално одвивање на сообраќајот, соопшти Регионалниот центар за управување со кризи на Град Скопје.