Актуелно
Хулигани нападнале 17-годишно момче во скопски Аеродром
Седумнаесетгодишниот Н.А. од Скопје ноќеска во 2 часот по полноќ бил нападнат во скопската општина Аеродром.
Според податоците од полицијата, тој бил физички нападнат на булеварот „Јане Сандански“ од поголема група лица. Тие го нападнале со тврди предмети по што го напуштиле местото на настанот, а тој бил пренесен во Градската општа болница „Св. Наум Охридски“ за укажување лекарска помош.
Се преземаат мерки за целосно расчитување на случајот.
