КОЛЕДЕ: Децата од раните утрински часови го најавија Христовото раѓање

Денеска е коледе, утре е Божик од утринава низ пее низ домовите. Децата пред секоја порта ги шират торбите, а домаќините, според традицијата, го почитуваа обичајот и им ги полнеа во знак на благодарност за прекрасната вест што им ја носат. 

Со костени, малку ореви, јаболка, бонбони и по некоја паричка беа дарувани најмладите, кои утринава со песна го најавија Христовото раѓање.

Овој ден завршува со бадникова вечера на која се собира семејството. На посната трпезата има риба, пита, гравче, риба, ореви, костени и месеното лепче со паричка.

Бадник и Божик се денови за семејството, кога најблиските делат радост и убави мисли.