МВР: Терористички напад врз караулата кај Гошинце

Терористички напад врз караулата кај Гошинце, општина Липоково, се случил ноќеска во 2 часот и 30 минути, потврди Министерството за внатрешни работи. 

Како што појасни портпаролот на МВР Иво Котевски, вооружена група од Косово ја нападнала караулата, каде што биле четворица полициски службеници на дежурство, ги разоружале и им се обратиле на албански јазик со преведувач со зборовите дека сакаат нивна држава и оти не сакаат никави Охридски договори.

Напаѓачите им дале половина час на полицајците да си заминат од караулата.

Во тек се активности на терен од страна на македонската полиција.