Вести
Невладината ЦИВИЛ соопштува за неколку неправилности на референдумот во Центар
Невладината ЦИВИЛ која со свои набљудувачи го мониторира референдумот за ГТЦ во Општина Центар, соопшти дека регистрирале неколку неправилности.
На дежурните телефони добиле поплаки дека лифтовите во неколку згради во Центар намерно се расипани, според сведочењата на луѓето кои им се јавиле или пак се пожалиле на социјалните мрежи.
Понатаму дека се кинеле плакатите од кампањата. Регистрирале дека на гласачкото место број 2809 на ул. Народен Фронт бр. 21, Избирачкиот одбор откинал осум гласачки ливчиња сосе делот кој треба да остане во кочанот.
А како што велат, имало и проблемите и притисоците врз навните набљудувачи.
ЦИВИЛ го набљудува Референдумот за ГТЦ со над 100 набљудувачи, од кои 79 се акредитирани во ОИК.
![](https://static-xx.files.pplarno-cdn.popularno.mk/wp-content/uploads/2017/01/logo-2017-2.png)