Опожарени две возила во Битола

Две возила се целосно опожарени рано изутрината на паркинг на улицата „Димче Лахчански“ во Битола. Од огнот бил зафатен уште еден автомобил кој е помалку оштетен.  

Полицијата соопшти дека околу 4 часот и 30 минути во Битола на паркингот на улица „Димче Лахчански“, од засега непознати причини настанал пожар во автомобилот „Поло“ со битолски регистарски ознаки сопственост на М.Ј.(21) од с.Брод-општина Новаци.

Пожарот се проширил и зафатил и друго возило „Ауди А4“ исто така со битолски регистарски ознаки сопственост на З.М.(53).

Од пожарот помалку е оштетено уште едно возило Хјундаи.

Полицијата соопшти дека презема мерки за расчистување на настанот и утврдување на причините кои довеле до опожарување на возилото.