Почина македонскиот новинар Зоран Василевски – Фаци

Утрово, по долга битка со ракот, на 52 годишна возраст почина познатиот македонски новинар и водител Зоран Василевски – Зоки Фаци.

Зоки Фаци беше истакнат медиумски лик и естраден новинар, чија харизма и професионализам оставија траен белег на македонската јавна сцена. Со својот препознатлив стил и позитивен дух, Зоки стана омилен меѓу гледачите и следбениците на македонската естрада.

По дијагнозата во 2022 година, Василевски помина низ неколку операции и интензивни третмани, но болеста продолжи да напредува. Во септември 2024 година, замина на лекување во Турција, каде лекарите утврдија дека ракот се проширил и на коските. Неговата борба беше инспирација за многумина, а неговата посветеност кон новинарството ќе остане запаметена како пример на непоколеблива страст и професионализам.

Искрено сочувство до неговото семејство, пријателите и колегите.