Почувствуван земјотрес во Битола

Во Битола утринава во 6:25 часот е почувствуван земјотрес, чиј епицентар се наоѓа во соседна Грција, односно 35 километри јужно од Битола.

Сеизмолошката опсерваторија при Природно-математичкиот факултет соопшти дека земјотресот е со јачина од 3.7 степени според Рихтеровата скала, а во Битола и Ресен е почувствуван со интензитет од три до четири степени според Европската макро-сеизмичка скала.