Актуелно
Почувствувани пет земјотреси во Дебарско
Серија од пет земјотреси се регистрирани ноќеска во дебарското епицентрално подрачје. Како што соопшти Телеметриската сеизмолошка мрежа на Република Македонија, земјотресите биле со јачина од три до пет степени според Европската макросеизмичка скала, со епицентри 110 километри југозападно од Скопје.
Првиот е регистриран во три часот и 57 минути (со интензитет од четири степени), вториот во четири часот и 14 минути (со интензитет од пет степени), третиот во четири часот и 18 минути (со интензитет од три до четири степени), четвртиот во четири часот и 30 минути (со интензитет од три до четири степени) и петтиот во шест часот и 54 минути (со интензитет од четири до пет степени).
Според досегашните макросеизмички податоци, овие земјотреси освен мала вознемиреност кај населението не предизвикале материјални штети.
Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.
