Вести
Премиерот Заев го осуди терористичкиот напад во Барселона
Владата на Република Македонија го осудува терористичкиот акт во Барселона, изразувајќи сочувство до семејствата на жртвите од овој нечовечки акт на насилство.
– Изразуваме жалење до семејствата на жртвите од овој нечовечки акт на насилство, како и до државите од кои доаѓаат, а на повредените им посакуваме брзо опоравување, се наведува во денешното соопштение од Владата.
Оттаму изразуваат надеж дека безбедноста на граѓаните на Барселона, како и сите туристи кои се таму е веќе обезбедена.
– Длабоко и искрено сочувствувам со семејствата на жртвите од синоќешниот терористички напад во Барселона. Нашата порака до Шпанија и цела Европа е дека во овој момент кога тагуваме за жртвите, осудата на омразата и насилството мора да биде одлучна и силна. Истовремено мораме да ги зајакнеме заложбите кои промовираат единство и слобода, наспроти поделбите и дискриминацијата, порачува премиерот Зоран Заев.
Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.
