РЕАКЦИЈА НА ТЕЛЕКОМ: Навремено одговоривме на сите барања од СЈО

По последните реакции во јавноста и на социјалните медиуми, Македонски Телеком известува дека согласно Законот за електронски комуникации и Законот за следење на комуникации има законска обврска да набави опрема за следење на комуникациите и да ја стави на располагање на Министерството за внатрешни работи, при што Македонски Телеком нема контрола, ниту можност за користење на истата.

Најодговорно тврдиме дека навремено сме обезбедиле одговори на сите барања од Специјалното јавно обвинителство и остануваме отворени за понатамошна соработка со надлежните органи.

Македонски Телеком е компанија која работи според законите, во интерес на граѓаните и своите корисници.