РСБСП: За безбедни и весели празници – возете одговорно

Републичкиот совет за безбедност на сообраќајот на патиштата (РСБСП) апелира, сите учесници во сообраќајот за новогодишните и божиќните празници да бидат внимателни и одговорни, да ја почитуваат сообраќајната сигнализација, да не возат под дејство на алкохол и да ги почитуваат правилата за ограничување на брзината.

– Празниците се време за радост, уживање и дружење со најблиските. Не дозволувајте сообраќајна незгода да ви го наруши празничното расположение вам и на вашите најблиски. Возете внимателно и одговорно, порачуваат од РСБСП.