СНЕГ ВО МАКЕДОНИЈА: Најмногу снег наврна во Маврово

Облачно со локални претежно слаби врнежи од снег, главно во западните и крајните источни делови од земјава. Во Скопје има појава на слаб локален дожд. Во долниот тек на Повардарието дува слаб југоисточен ветер.

ВИСИНА НА СНЕЖНА ПОКРИВКА (во 7 часот). 1 Ѓуриште, 2 Берово, 5 Пожаране, Крушево, 6 Лазарополе, 10 Маврови Анови.

МИНИМАЛНИ ТЕМПЕРАТУРИ: -3 Маврово, -2 Кр. Паланка, Пожаране, Ѓуриште, -1 Берово, Крушево, Лазарополе, 0 Дебар, Тополчани, Тетово, 1 Претор, Виница, Куманово, 2 Скопје Зајчев Рид, Скопје Петровец, Битола, Прилеп, Штип, Струмица, Д. Капија, Дојран, 3 Гевгелија, Охрид.

НАВРНАТ ВОДЕН ТАЛОГ (во л/м2) за 24 часа, до 7 часот: 1 Гевгелија, Тополчани, Куманово, Ѓуриште, Кр. Паланка, 2 Прилеп, Берово, 3 Тетово, Охрид, Крушево, 4 Маврово, 5 Дебар, 6 Пожаране, Лазарополе.

ВРЕМЕТО ДО КРАЈОТ НА ДЕНОТ: Облачно со локални врнежи претежно од снег, главно со слаб интензитет. Повеќе врнежи ќе има во планинските региони на северозападот и истокот од земјава, каде се очекува формирање или зголемување на снежната покривка. Формирање на мала снежна покривка до крајот на денот е можно понекаде и во пониските делови на северот од земјава. Ќе дува слаб до умерен ветер од јужен правец. Температурата ќе биде во интервал од 0 до 6 степени.

Во Скопската котлина облачно со слаби локални врнежи, во повисоките делови од снег, а во пониските од дожд и снег. Температурата ќе достигне 4 степени.

ВРЕМЕТО ВО НАРЕДНИТЕ ДЕНОВИ: И утре во крајните западни делови ќе има врнежи од дожд, а на повисоките планини од снег. Во останатите делови преку денот ќе има сончеви периоди. Утре и во среда ќе дува умерен до засилен југозападен ветер, а температурата осетно ќе се зголеми. Поинтензивен влажен бран со врнежи од дожд се очекува во среда доцна попладне, како и во текот на ноќта кон четврток кога поради нагло заладување со силен северен ветер врнежите ќе преминуваат во снег.