Сончево со слаб ветер од северен правец

Времето во Македонија ќе биде сончево со слаб ветер од северен правец. Утринската температура ќе се движи од минус три до четири, а дневната од 12 до 18 степени.

Во Скопје слично време – сончево со слаб до умерен северен ветер. Утринската температура ќе се спушти до нула, а дневната ќе достигне до 17 степени.

Сончево ќе биде и утре (среда), кога утринската температура се очекува да се движи од минус два до пет, а максималната од 15 до 21 степен.

Во четврток иако ќе дува засилен северен ветер, температурите ќе бележат покачување, како утринските, така и дневните. Максималната температура ќе се движи од 17 до 23 степени.