Суво, топло и стабилно време: Денеска температурата ќе се искачи до 37 степени

Времето денеска во Македонија ќе биде сончево и топло, со слаб ветер од југоисточен и јужен правец. Утринската температура ќе се движи од 9 до 17, а дневната од 31 до 37 степени. УВ индексот ќе има вредност 7.

Во Скопје времето ќе биде сончево и топло, со слаб ветер од југоисточен правец. Утринската температура ќе се спушти до 16, а дневната ќе достигне до 36 степени.

Во текот на идната недела ќе продолжи периодот на стабилно, суво и топло време. Зголемена облачност ќе има во среда, кон крајот на денот, која во текот на ноќта кон четврток и во четврток претпладне ќе биде проследена со локален краткотраен дожд и појава на грмежи.