ИСИС ја презеде одговорноста за нападите во Париз

Исламска држава денеска ја презеде одговорноста за терористичките напади во Париз, во кои загинаа најмалку 128 лица, а околу 250 се повредени.

Во официјалното соопштение на исламистичката група се наведува дека борците од ИД, со појаси со експлозив и вооружени со автоматско оружје, ги извеле нападите на неколку локации во центарот на Париз. Нападите биле внимателно планирани.

Цел на нападите, според ИД, била на Франција да и се покаже дека ќе остане главна цел се додека продолжува со својата политика.

Во меѓувреме, медиумското крило на ИД, Медија центар Ал Хајат, објави видео со закани за Франција, доколку таа земја продолжи да ги бомбардира нејзините припадници.

– Се додека продолжите да не бомбардирате, нема мирно да живеете. Ќе се плашите и до пазар да одите, изјави еден од екстремистите на арапски јазик, опкружен од други припадници на ИД.