Тешка сообраќајка во Куманово: Најмалку две лица ги изгубија животите

Најмалку две лица ги изгубија животите во тешка сообраќајна несреќа што се случи попладнево во Куманово на „Дедин Мост“ кај бензинската пумпа „Мак Петрол“.

Според првичните информации, возило БМВ со кумановски регуистарски таблички, движејќи се од населбата Бедиње, изгубило контрола по што излетало од надвозникот и паднало на автопат.

На автопатот во тој момент поминувала цистерна која, во обид да го избегне, поминала на другата коловозна лента.

Автопатот Скопје-Куманово од 17 часот е блокиран за сообраќај, во тек е увид и утврдување на причините за несреќата.