ВО МАЈ НЕМА ДА РАБОТИМЕ ДВА ДЕНА: Погледнете кои се неработните денови до крајот на годината!

Два неработни дена овој мај! Неработни дена за сите граѓани се 1 мај (понеделник) – Денот на трудот и 24 мај (среда) – Ден на сесловенските просветители, соопштуваат од Министерството за труд и социјална политика.

Покрај овие два неработни дена за сите граѓани, неработен само за граѓаните припадници на влашката заедница е 23 мај (вторник) – Национален ден на Власите.

Од Министерството потенцираат дека согласно Законот за празниците на Република Македонија и Програмата на неработни денови за 2017 година, 25 јуни (недела) Рамазан Бајрам, првиот ден на Рамазан Бајрам, односно 26 јуни (понеделник) е неработен ден.

До крајот на годината остануваат овие неработни дена:

За сите граѓани на РМ

• 01 мај (понеделник), Ден на трудот,
• 24 мај (среда) „Св. Кирил и Методиј“ Ден на сесловенските просветители
• 25 јуни (недела), Рамазан Бајрам, првиот ден на Рамазан Бајрам, односно 26 јуни
(понеделник) е неработен ден
• 02 август (среда), Ден на Републиката
• 8 септември (петок), Ден на независноста
• 11 октомври (среда), Ден на народното востание,
• 23 октомври (понеделник), Ден на Македонската Револуционерна Борба,
• 8 декември (петок), “Св. Климент Охридски”

За граѓаните од православна вероисповед

• 02 јуни (петок), Духовден, петок пред Духовден
• 28 август (понеделник), Успение на Пресвета Богородица (Голема Богородица)

За граѓаните од католичка вероисповед

• 01 ноември (среда), Празникот на сите светци
• 25 декември (понеделник), првиот ден на Божик

За граѓаните од муслиманска вероисповед

• 01 септември (петок), Курбан Бајрам, првиот ден на Курбан Бајрам

За граѓаните припадници на албанската заедница во РМ

• 22 ноември (среда), Ден на Албанската азбука

За граѓаните припадници на влашката заедница во РМ

• 23 мај (вторник), Национален ден на Власите

За граѓаните припадници на еврејската заедница во РМ

• 30 септември (сабота), Јом Кипур, првиот ден на Јом Кипур

За граѓаните припадници на бошњачката заедница во РМ

• 28 септември (четврток), Меѓународен ден на Бошњаците

За граѓаните припадници на турската заедница во РМ

• 21 декември (четврток), Ден на настава на турски јазик