Утре врнежи од снег низ целата земја, од понеделник зимски студ до -15

Метеоролозите предвидуваат зимска идила и нови врнежи од снег за утре и во недела во различни делови од земјата. Од понеделник, пак, времето ќе биде стабилно, со појава на магла по котлините и со ниски утрински температури кои насекаде ќе бидат негативни, спуштајќи се и под -15 степени.

Управата за хидрометеоролошки работи (УХМР) предвидува облачно и студено време со врнежи од снег утре. Врнежите на одредени места ќе бидат пообилни, особено во западните делови. Се предвидува и значителна снежна покривка на планините, над 30 сантиметри, додека во пониските делови може да наврнат од 3 до 10 сантиметри.

Ветерот ќе биде умерен до засилен, особено во Повардарието, а температурите значително ќе паднат, со појава на голомразица. Минималната температура ќе се движи во интервал од 0 до 5 степени, додека максималната ќе се искачи од 1 до 8 степени.

Во Скопје утре ќе биде облачно и студено со врнежи од снег, при што ветерот ќе биде умерен до засилен од северен правец. Минималната температура ќе се спушти до 1 степен, а максималната ќе достигне 3 степени. Подгответе се за зимска атмосфера и внимавајте на условите на патиштата.